Загина возач на камион, паднал во провалија кај Крива Паланка

Несреќата се случила во 04:50 часот, во атарот на селото Узем, кривопаланечко, кога товарно возило „Сканиа“ со косовски регистарски таблички, управувано од Н. Х. (56) од Косово, излетало од патот и паднало во провалија.

„Од здобиените повреди, возачот Н. Х. починал на местото на несреќата, а лекар од Итната медицинска помош ја констатирал смртта. Извршен е увид, а по наредба на јавен обвинител, телото на починатиот е предадено на обдукција“, соопштија од Министерството за внатрешни работи.