Зачленете се во нашиот клуб на читатели и најновите текстови ќе ги добивате на вашата мејл адреса
Советот на Општината Куманово утре ќе ја одржи дваесет и втората-редовна седница. На дневен ред ќе се најдат 12 точки,а ќе се расправа за годишниот извештај и завршната сметка на локалната самоуправа, финансискaта помош за работа на пречистителната станица,формирање на Фондација за култура и спорт и други.
Дневен ред:
1.Предлог – Одлука за констатирање престанок на мандат на член на Советот на Општина Куманово;2.Предлог – Завршна сметка на Буџетот на единицата на локалната самоуправа Куманово за 2009 година;
3.Годишен Извештај на Општина Куманово за 2009 година;
4.Предлог – Одлука за отпис на парични побарувања од сметки на Буџетот и Органот на Општина Куманово;
5. Предлог – Одлука за исплата на еднократна парична помош од Буџетот на Општина Куманово за 2010 година;
6.Програма за финансиски средства потребни за работа на пречистителна станица за отпадни води во Куманово за 2010 година;
7.Извештај за реализација на Програмата за уредување на градежно земјиште, изградба и одржување на комунална инфраструктура на град Куманово и Програмата за изградба, реконструкција, одржување и заштита на локалните патишта и улици од 1 јануари 2009 до 31 декември 2009 година;
8.Извештај за извршување на Годишна програма за користење и одржување на јавното осветлување на подрачјето на Општината Куманово од 1 јануари 2009 до 31 декември 2009 година;
9.Предлог – Одлука за основање на Фондација за култура и спорт „Куманово“ - Куманово;
10.Предлог – Одлука за донесување на Детален урбанистички план за дел од У.Е. “Тоде Мендол”, дел од У.Б. 62, плански опфат меѓу ул. “III МУБ”, ул. “Тоде Мендол”, ул. “Страшко Симонов” и ул. “Војо Карастојанов” – Општина Куманово;
11.Предлог – Решение за давање согласност на Одлуката за измена и дополнување на статутот на Ј.П. „Чистота и зеленило“ Куманово;
12.Предлог – Одлука за измена на Одлуката за формирање на Комисија за утврдување на пазарна вредност на недвижен имот за правни и физички лица за пресметка на данок на имот на подрачјето на Општина Куманово.