Пијани возачи нападнале полицаец

 Трите момчиња двиѓејќи се со опел кадетодбиле да платат патарина, при што го блокирале патот и зад нив се создала колона од возила. Во тој момент М.Т.(46) од Скопје и Г.Б.(32)  кои биле во „форд“ со скопски таблички, неколку пати со звучен сигнал го предупредиле возилото пред нив да го ослободи патот. При тоа Б.А. и Ш.А. излегле од возилото и почнале со раце да удираат по нивното возило, а потоа ја отвориле вратата и на возачот му упатиле пцовки и погрдни зборови. Веднаш потоа, преку прозорецот на возилото и физички го нападнале М.Т., удирајќи го со тупаници во пределот на главата. Во тој момент,полицаецот С.Ѓ. се враќал од работа, излегол од своето возило, кое исто така било во колоната и тргнал кон лицата со намера да го спречи нападот. Кога го виделе, Б.А. и Ш.А. почнале да го навредуваат упатувајќи пцовки и навредливи зборови, по што и физички го нападнале, туркајќи го со раце по телото. Тогаш и вработените во наплатната станица излегле и ги отргнале напаѓачите од полицаецот. Насилниците влегле во своето возило и заминале кон Куманово, но набрзо биле пронајдени и приведени во СВР-Куманово.На тројцата им е извршено  алкотестирање, при што кај Ш.А. е констатирано присуство на алкохол во крвта од 0,92 промили, а кај Б.А. 1,16 промили. СВР-Куманово превзема мерки за целосно расчистување на случајот.