Зачленете се во нашиот клуб на читатели и најновите текстови ќе ги добивате на вашата мејл адреса
Британската кралица Елизабета Втора попладнево почина мирно во замокот Балморал во Шкотска, соопшти Кралското семејство.
Кралот Чарлс и кралицата Камила ќе останат во Балморал вечерва и ќе се вратат во Лондон утре, додаваат од Кралското семејство.
Кралското семејство денеска се упати кон Шкотска откако беше објавено дека здравјето на кралицата е влошено. Во јуни, целата Британија го славеше платинестиот јубилеј на кралицата, односно 70 години од доаѓањето на престолот.
Елизабета имаше само 26 години кога го наследи својот татко на британскиот престол во 1952 година и потоа стана британски монарх со најдолг стаж во историјата.
Чарлс, синот на кралицата, е новиот британски крал.
Тој автоматски станува крал како најстариот син на Елизабета Втора. Тој ја наследува титулата на чело на Комонвелтот, како и имотот.
(Фото: Кралско семејство)
Зачленете се во нашиот клуб на читатели и најновите текстови ќе ги добивате на вашата мејл адреса
