Соколи го нанесоа шестиот пораз на Куманово

Тимот од Карпош не дозволи изненадување на натпреварот и од самиот старт имаше водство кое не го испушти до крајот на натпреварот.

Дарко Соколов постигна 18 поени во победата на Карпош Соколи. Димитар Караџовски беше најефикасен во Куманово со 15 поени.

Борбата за четвртата позиција се закомплицира со победата на Фени над Кожув, и сите три конкуренти се во игра за место во Плеј-оф. Работнички со победата над МЗТ Скопје го обезбеди своето место во плеј-оф, а до крајот на сезоната сигурно ќе се обиде да обезбеди и предност на домашен терен.

Следниот натпревар Куманово го игра во среда против Фени Индустри.