Бесплатно мерење на шеќер и крвен притисок организира Здружението на дијабетичари

Акцијата ќе започне во 10 часот.

Во 18 часот, пак, во зградата на Комитетот, ќе се одржат и две едукативни работилници.

Првата работилница ќе биде на тема „Превенција, состојби и современ третман на дијабетесот“, а предавач ќе биде д-р Катерина Адамова, специјалист по ендокринологија.

Втората тема е „Компликации од дијабетесот и дијабетично стапало“, за која ќе говори д-р Зорица Медарова Стојковска од „Диавериум“.

Од Здружението ги повикуваат своите членови и сите заинтересирани граѓани да ги посетат активностите, бидејќи информираноста и грижата за здравјето се од особена важност за превенција и навремено справување со компликациите од дијабетесот.