Кумановка повредена од струен удар на работното место
02.07.2026 12:05
| KumanovoNews
Четириесет и едногодишна кумановка се здобила со повреди од струен удар додека извршувала работни задачи во угостителски објект во Куманово.
Како што соопшти Министерството за внатрешни работи, вчера (1 јули) во 19:20 часот во СВР Куманово, од Итната медицинска помош било пријавено дека кај нив со повреди од струен удар била донесена Д.М. (41) од Куманово.
Според пријавеното, несреќата се случила додека таа работела во угостителски објект на улицата „Бранко Богдански Гуцман“.
Увид на местото на настанот извршила екипа од СВР Куманово.