Кумановскиот музеј доби поддршка од министерството за 23 проекти

Директорот Богдан Таневски вели дека е генерално задоволен од она што им е оддобрено, а има примедба само за два проекти, еден им е целосно одбиен, а за еден се одобрени минимални финсиски средства.

Единстевено можам да дадам забелешка што за издавачката дејност не е земено во обзир печатењето на Музејски гласник, а оваа година Музејот одбележуваа 55 години постоење. Вториот проект е санација на куќата на Карпош, ние предвидовме 2 милиони денари, а одобрени се само 150.000 денари, што е многу малку ако се знае во каква состојба е објектот, - вели директорот Таневски.

Кумановскиот музеј има добиени 4 проекти за истражување на археолошки локалитети, 5 проекти од областа на етнологијата, 2 од историјата, 7 ликовни изложби, 2 проекти за едукативни работилници и 3 проекти од историјата на уметноста.