Падна канделабра на Градскиот плоштад

Се откорнал столбот што ги држи светилките, додека металната подгола останала зацврстена на тротоарот. Скршени се дел од стаклата на светилките, а откачена е електричната инсталација.

Не е познато дали некој намерно ја турнал канделабрата.

На социјалните мрежи граѓани кажуваат дека светилката сама паднала и за малку ќе удрила човек.

Синоќа беше многу фреквентно на градскиот плоштад, поради што граѓаните со љубопитство ја одминуваа канделабрата и коментираа.

Новите канделабри, клупи и кантички за отпад, Општината ги намести во октомври минатата година на повеќе локации во централното градско подрачје.