Повредена девојка, со автомобил излетала од патот

Несреќата се случила завчера во 07.30 часот на локалниот пат Куманово - с.Пчиња на место викано „Менкова колиба“, кога патничко возило „пежо“, со кумановски регистарски ознаки, управувано од К.К.(24) од Куманово, излетало надвор од коловозот. 

„Во несреќата К.К. се здобила со тешки телесни повреди констатирани во Општата болница во Куманово. Извршен бил увид од увидна екипа од СВР Куманово“, соопшти МВР.