Повредена жена на раскрсницата кај Автобуската станица

Несреќата се случила вчера околу 13 часот, кога автомобил „фолксваген пасат“ со кумановски регистарски ознаки, управувано од 76-годишниот Б.В. од с. Старо Нагоричане, удрил во 54-годишната В.А. од Куманово.

По несреќата возачот го напуштил местото на несреќата, но набргу потоа бил пронајден.

Од ударот, со тешки телесни повреди се здобила жената, констатирани во Општа болница Куманово. 

Извршен е увид од увидна екипа на СВР Куманово и по целосно документирање на случајот ќе следува соодветен поднесок. 

(Фото: архива Кумановоњуз)