Приведен жител на Алгуња - запалил стрниште, изгореле дрва на соседот

„Вчера, полициски службеници го лишиле од слобода Д.П. од село Алгуња, општина Старо Нагоричане. Тој се сомничи дека во селото Челопек запалил сува трева и стрниште, при што предизвикал пожар на имот сопственост на Г.С. (60) од Куманово, при што биле опожарени дрва“, соопшти МВР.

Пожарот бил изгаснат од екипа на Територијалната противпожарна единица Старо Нагоричане, а повредени лица нема.

Д.П. бил приведен во полициска станица и, по целосно документирање на случајот, против него ќе следува соодветна пријава.