Струмичанецот кој загина во Хрватска возел за кумановска фирма

Возилото е идентификувано по регистарските таблички. Сè уште не е јасно што е причината за несреќата, со оглед на тоа што не се работи за судир, туку најверојатно за губење контрола над возилото.

Она што е познато е дека несреќата се случила вчера во 14:15 часот, кога камионот се излизгал од патот и се запалил. Прво удрил во средишната метална заштитна ограда, потоа во столб за улично осветлување и преминал на спротивната лента. Откако се зализгал, повторно се забил во централната заштитна ограда и во друга канделабра.

По несреќата избувнал пожар, а камионот изгорел целосно заедно со возачот.