Светлана Цветковска избрана за раководителка на Регионалното одделение за статистика во Куманово

По професија е магистер по бизнис администрација, а во институцијата работи од 2015 година, каде што стекнала долгогодишно професионално искуство во областа на статистиката.

„Раководната функција претставува чест, но пред сè голема одговорност. Ќе продолжиме како одделение посветено и професионално да ги извршуваме секојдневните обврски. Успехот на секој колектив се темели на тимската работа, сè со цел квалитетно и ефикасно работење“, изјави Цветковска.

Со нејзиното именување, по повеќе од 20 години повторно е избран прв човек на Регионалното одделение во Куманово, откако оваа позиција подолг период беше непополнета.