Влатко Тодоровски втора година по ред го фаќа крстот во Тромеѓа(видео)

Влатко Тодоровски (20) од Тромеѓа по втор пат успеа да го фати крстот во селото Тромеѓа. Од 12 пријавени лица тој беше најбрз и најсреќен на малото езерце, во центарот на Тромеѓа.

„Втор пат, последователно го фаќам крстот, откако и минатата година успеав прв да стигнам до него. Затоа и сме кумови на Водици, а ќе бидеме и наредната година, таква среќа ме послужи. Имав успешна среќна и бериќетна година, а се надевам и оваа ќе имам добро здравје и успех, иако нема нешто посебно да се издвои“, истакна Влатко Тодоровски, моментално невработен, член на ФК Победа од Тромеѓа.

Организатор на настанот е токму фудбалскиот клуб Победа, кој на Тодоровски му подари ваучер со вредност од 10 илјади денари, средства обезбедени од приватен спонзор. И црквата „Свети Ѓорѓи“ обезбеди пригодни подароци за најсреќниот.

Фрлањето на крстотот во селото Тромеѓа за прв пат беше одржано минатата година, но има голема популарност. Беа присутни 100- тина лица, кои заедно го прославија празникот.