ВМРО-ДПМНЕ пошумуваше на Студена Вода по повод Денот на пролетта (Видео)

На и околу излетиштето беа засадени садници од туја, јасен, чемпрес и црн бор, како и украсни грмушки, со цел раззеленување и уредување на просторот.

Директорот на ЈП „Чистота и зеленило“, Сашо Томиќ, изјави дека станува збор за една од низата акции што се реализираат во овој период од годината.

„Засаден е голем број садници и очекуваме сите успешно да се прифатат. Ќе се грижиме за нивното одржување и наводнување. Очекуваме и поддршка од месното население од Доброшане, кое денеска се вклучи во голем број“, рече Томиќ.

Тој додаде дека ваквите активности ќе продолжат и во наредниот период, имајќи предвид дека постојат бројни барања од граѓани, училишта и месни заедници.

Слична акција неодамна беше реализирана на барање на жителите на месната заедница „Панче Пешев“, каде покрај коритото на реката беа засадени чемпреси.

Акцијата е организирана по повод 21 Март – Денот на пролетта и традиционално се одржува секоја година.