Во Куманово ќе се гласа на 167 избирачки места

Од Општинската изборна комисија велат дека Куманово и Битола се најголеми изборни единици во државата, но бројот на членови во избирачките одбори во нашата општина е далеку поголем.

Комисијата интензивно работи на подготовките на изборите.

„Се тече во најдобар ред. Изминатиот месец беа ревидирани списоците на избирачките одбори, во тек се обуките на претседателите и замениците на претседатели од ДИК, а подоцна ќе започнет обуките на членовите на избирачки одбори, - изјави претседателот Звонко Николовски.

Од комисијата велат дека сеуште не ги сумирале резултатите и ја немаат точната бројка на гласачи во избирачкиот список, но според податоците од минатите избори бројката се движи околу 92.000 гласачи.