Зачленете се во нашиот клуб на читатели и најновите текстови ќе ги добивате на вашата мејл адреса
Во Изложбениот салон на Центарот за култура „Трајко Прокопиев“ – Куманово утре /среда/ во 13 часот ќе биде отворена изложбата на карикатури “Жената-глава на семејството“ од Меѓународниот фестивал за хумор и сатира “ИН ВИНИЦА ВЕРИТАС“.
На изложбата ќе бидат претставени околу педесетина карикатури на автори од повеќе земји.
Изложбата од конкурсот за карикатура насловена „Жената-глава на семејството“ е дел од Меѓународниот фестивал за хумор и сатира „ИН ВИНИЦА ВЕРИТАС 2022“ кој што традиционално се одржува во Дом на култура „Тошо Арсов“- Виница секоја година во месец октомври.
Минатата 2023 година фестивалот го прослави 15 годишниот јубилеј од моментот на возобновувањето на истиот и негово прогласувањето за меѓународен.
Фестивалот е светски познат токму поради конкурсот за карикатура, а во 2022 година учество зедоа 283 автори од 44 држави од целиот свет со вкупно добиени 670 карикатури.
Изложбата во Куманово ќе биде поставена до 03.април 2024.
Зачленете се во нашиот клуб на читатели и најновите текстови ќе ги добивате на вашата мејл адреса
