Десет медали освоија гимнастичарите на „Атлета“ на Државно првенство во Скопје

Во силна конкуренција од над 160 натпреварувачи од целата држава, кумановските гимнастичари освоија една златна, три сребрени и четири бронзени медали во поединечна конкуренција, и две сребрени во екипна конкуренција.

На првенството клубот учествуваше со 27 натпреварувачи, од кои 13 во машка и 14 во женска конкуренција. 

„Во машка А-програма во категорија помлади пионери Бојан Христовски освои второ место, а Даме Јаневски трето место. Во категоријата постари пионери А-програма Калин Илијевски освои второ место. Во Б-програма помлади пионери Лазар Ѓоргиевски освои трето место. Во категоријата постари пионери Јаков Стојановски беше прв, Марко Величковски освои второ место и Михаел Додевски трето место. Во женска Б-програма во категорија постари пионерки Сара Мишиќ освои трето место поединечно“, изјави тренерот Филип Миленковски.

Успесите не изостанаа и во екипните натпреварувања, па кумановските гимнастичарки се вратија со две медали.
  
„Екипно второ место освоија: Сара Мишиќ, Лена Трајковска, Ива Тодоровска Ања Ристевска и Лана Богдановиќ. Во категоријата до 7 години екипно второ место освоија: Анисија Станојковска, Софија Цеков, Кирјана Крстевска, Калина Стојмановска и Софија Николовска“, изјави тренерот Никола Златановски.

Гимнастиката во Куманово се враќа на местото на коешто припаѓа, а тоа го покажуваат успесите на учесниците на „Атлета“ и нивните тренери кои неуморно работат со нив. 

„Се надеваме дека Општината ќе ни излезе во пресрет, бидејќи на Куманово му е потребна гимнастичка сала,  затоа што  има голем број на гимнастичари кои сакаат да се занимаваат со овој спорт . Куманово е гимнастички град со и се надеваме дека  "Соколана" ќе биде целосно само за гимнастиката,  и нашиот град ќе може да биде домаќин на државни првенства во спортска гимнастика“, истакна тренерот Миленковски.

„Атлета“ постои седум години, а нејзините членови нижат резултати на сите натпреварувања.