Експлозивни направи и куршуми најдени во куќа во Куманово

Според информациите на МВР, против И.С. (43) од Куманово е поднесена пријава поради постоење основи на сомнение за сторено кривично дело недозволено изработување, држење и тргување со оружје или распрскувачки материи.

Минатата недела полициски службеници извршиле претрес во неговиот дом на улицата „Среќко Пужалка“, при што биле пронајдени и одземени две експлозивни направи, две детонаторски каписли и 25 куршуми во различен калибар.