×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Не е точно дека бустер дозата од вакцините предизвикува рак и ХИВ

    24.02.2022 08:04 | KumanovoNews | Преземено од: vistinomer.mk

    Вакцините против ковид се испитани и нема линк меѓу нив и зголемена стапка на канцер. Тоа го пишуваат и проверувачите на факти на Ју Ес Еј тудеј. Што се однесува до тврдењето дека ХИВ позитивноста „експлодира” преку мРНК вакцината, проверувачите на факти на Ројтерс, веќе го имаат побиено ова тврдење преку изјави од повеќе медицински експерти

    Не е точно дека бустер дозата од вакцините предизвикува рак и ХИВ Фото: freepik.com

    Рецензираме пост објавен на социјалната мрежа Фејсбук, во кој се вели дека по примена бустер доза доктор Џејн Руби алармира дека експлодира ракот и позитивноста на ХИВ преку мРНК инјекцијата интегрирана во нашата ДНК. Во состав на постот се вели дека мРНК се интегрира заедно со ДНК на човекот што ја прима вакцината, иако тоа веќе одамна сите здравствени власти го одбија како невистинито.

    мРНКвакцините не ја менуваат вашата ДНК на кој било начин и затоа не можат да предизвикаат рак. Вакцините за Messenger РНК (мРНК) ги учат клетките како да создадат протеин што предизвикува имунолошки одговор ако некој се зарази. мРНК што се инјектира во вашето тело не комуницира со вашата ДНК. Откако мРНК ќе ја заврши својата работа, вашите клетки ја распаѓаат и расчистуваат од вашето тело. Нема трајни ефекти од мРНК во вакцината, пишува на официјалната страница за вакцинација во земјава.

    Наспроти тврдењето дека бустер дозата од вакцините го „разгорува“ канцерот, научната заедница ја препорачува третата доза кај пациентите болни од рак.

    Американската организација за канцер веќе објасни дека пандемијата со ковид-19 се очекува да предизвика поголем морталитет на долги патеки од канцер, но поради одложена дијагностика, прекини во третманите, можноста пациентите да не одат на редовни превентивни контроли, како и фактот што милиони луѓе ќе останат без работа и без здравствено осигурување.

    Вакцините против ковид се испитани и нема линк меѓу нив и зголемена стапка на канцер, наспроти тврдењето во постот што го рецензираме.

    Тоа го пишуваат и проверувачите на факти на Ју Ес Еј тудеј.

    Што се однесува до тврдењето дека ХИВ позитивноста „експлодира” преку мРНК вакцината, проверувачите на факти на Ројтерс, веќе го имаат побиено ова тврдење преку изјави од повеќе медицински експерти.

    Не постои можност ковид вакцината да предизвика ХИВ или СИДА, пишува Ројтерс.

    Не постои механизам со кој ковид вакцината или било која друга вакцина може да предизвика ХИВ или СИДА, вели за Ројтерс доктор Бнар Талабани, доктор во Кардиф и истражувач и водач на иницијативата „ТимХејло“ која се занимава со прашањата околу ковид-19 вакцината.

    Не постојат докази да го поткрепат ова тврдење и многу добар пример е како дезинформациите се конструираат за да се поигрува со стравот и да се разубедат луѓето да не примаат вакцини кои докажано се безбедни, по дадени 10 милијарди дози во светот. Вакцините против ковид или било кои други вакцини не можат да предизвикаат СИДА или ХИВ или да направат да бидеме поподложни на било каков вирус, вели доктор Бнар Талабани.

    Имунологот Винета Бал, се согласува велејќи дека ковид вакцините не водат кон ХИВ инфекција на ниту еден начин.

    Нема докази дека вакцините создаваат имуносупресија и дека активираат ХИВ инфекција, вели Бал.

    Според вирусологот Нага Суреш Вирапу, до овој момент нема научни докази кои сугерираат поврзаност меѓу зголемена шанса за ХИВ инфекција и вакцинација против ковид-19.

    Поради сите горенаведени факти оценуваме дека не е вистина дека бустер дозата од ковид вакцините предизвикува експлозија од рак и позитивност на ХИВ вирусот.

     

     

     

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар