Ќе се изработува проект за фекална канализација

Проектот предвидува изградба на канализациона мрежа во дел од селата Лопате, Речица и Добрашане, како и десетина улици во општина Куманово.

Проектната документација ќе се користи за аплицирање и  обезбедување на средства во министерства, странски амбасади, невладини организации или од сопствениот буџет.

За таа цел Општина Куманово објави јавен повик за прибирање на понуди за изработка на основен проект на добивање на е-дозвола за изработка на техничка документација за фекална канализација.

Вредноста на проектот е 880.000,00 денари без ДДВ.

Проектот опфаќа архитектонски услуги, инженерски услуги и интегрални инженерски услуги, услуги за просторно планирање и инженерски услуги за уредување на земјиштето, поврзани научни и технички советодавни услуги, услуги за технички испитувања и анализа.