Цветковски и Стојановски собраа потписи за независни кандидати за градоначалник

Потребниот број на потписи ги собраа независните кандидати за градоначалници Виктор Цветковски за Куманово и Горан Стојановски за Старо Нагоричане. Според информациите од Државната изборна комисија за советници се поднесени 2 листи. За Куманово носител на листата е Драги Караџински а во Старо Нагоричене Сузана Димковиќ.

Независните кандидатури за градоначалник и советници треба да ги достават до сабота 16 февруари.

Цветковски вели дека својата кандидатура до ДИК ќе ја достави деновиве, откако ќе ги заврши сите правни процедури предвидени со законот.