Ќе се реконструира фудбалскиот терен на ФК Башкими во Куманово

„На површина од 4.000 м² ќе се иградат современи услови за тренинг, развој и натпреварување на нова природна трева, целосно нивелирање и подготовка на теренот со надворешен хидрантски систем, нова ограда и голови и трибина по целата должина на теренот. Повеќе од десет години на овој клуб и на жителите на Куманово им било ветувано дека теренот ќе биде реконструиран, но ништо не било реализирано“, објави министерот.

Тој додава дека како Министерство за спорт и Влада, вложуваат во спортската инфраструктура затоа што создавањето услови за спорт е инвестиција во луѓето и во иднината на нашите деца.

Фудбалскиот терен се наоѓа до стадионот Башкими.