Македонија доби покана за членство во НАТО

„Го поздравивме договорот меѓу Атина и Скопје. Се договоривме да ја поканиме Владата во Скопје да почне пристапни преговори за членство и штом завршат сите национални процедури да се финализира договорот за името, земјата ќе му се приклучи на НАТО како 30. членка“, изјави генералниот секретар на НАТО Јенс Столтенберг на прес-конференцијата по состанокот на Северноатлантскиот совет.

На Самитот во Брисел присуствуваат премиерот Зоран Заев и министерот за надворешни работи Никола Димитров.