Неиздржани се реакциите на општините за новите тарифи на водата, велат од Регулаторна комисија

Од таму тврдат дека реформите се започнати уште пред донесувањето на Законот за утврдување на цените на водните услуги во јануари 2016 година, кој Регулаторната комисија за енергетика има обврска да ги спроведува.

„Со донесувањето на овој закон, во Република Македонија за прв пат тарифите за водни услуги се формираат на транспарентен начин, по методологија која се користи во многу земји во регионот и во рамки на Европската Унија. Главната цел на методологијата е утврдените тарифи да овозможат финансиски самоодржлив систем на водни услуги. Во однос на некои квалификации дека решенијата на Регулаторната комисија за енергетика се политички мотивирани, укажуваме дека таквите изјави се штетни за целиот реформски процес и базирани на недоволна упатеност во законските обврски и работата на комисијата. Потенцираме дека сите пресметки на тарифите се во согласност со законската и подзаконската регулатива која и понатаму професионално и доследно ќе биде применувана од наша страна. Професионалноста  во  донесувањето  на  решенијата  од  страна  на Регулаторната  комисија  за енергетика може лесно да се провери доколку за тоа се има желба и интерес“, - велат од комисијата.

 Општина Куманово е една од општините што не се согласува со новата тарифа за водата, а ЈП „Водовод“ поденесе тужба против Регулаторна комисија, поради зголемувањето на цената на водата за 4 денари кубик.