Судир на три возила на раскрсницата кон Проевце

Во недела околу 17 часот, на раскрсницата се судриле три возила. Со повреди се здобило едно повозрасно лице, совозач во еден од автомобилите. Повредениот со возило на Брза помош е пренесен во  Кумановската болница.

Жителите од околните куќи, кажуваат дека за 7 години на оваа раскрсница се случиле 152 сообраќајни несреќи. Голем дел од колите завршиле во нивните огради и дворови, поради што не се чувствуваат безбедно.

Тие бараат од наделжните да се изгради кружен тек или да се постават семафори на раскрсницата, бидејќи возачите не ги почитуваат сообраќајните правила и возат пребрзо.