×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • ВМРО-ДПМНЕ ќе го поддржи Димитриевски во вториот изборен круг

    23.10.2021 18:31 | Сузана Николиќ

    ВМРО-ДПМНЕ ќе го поддржи независен кандидат за градоначалник на Куманово, Максим Димитриевски во вториот круг на изборите. Одлуката е донесена на седница на Извршниот комитет на партијата во Охрид.

    ВМРО-ДПМНЕ ќе го поддржи Димитриевски во вториот изборен круг

    „Секаде каде што има кандидати кои се борат против власта, така е и во Куманово, поддршката на ВМРО-ДПМНЕ оди за тие кандидати“, појасни Александар Николоски, по прашањето дали ВМРО-ДПМНЕ ќе го поддржи и независниот кандидат Максим Димитриевски во Куманово.

    Тој кажа дека во општините кадешто немаат свои кандидати во вториот круг, природно ќе ги поддржи кандидатите кои се опозиција, и кои се борат против оваа власт која е корумпирана и криминална. 

    „Ние нема да кажуваме во тие места дека гласовите ги имаме во џеб или се наша сопственост и нема да ги третираме граѓаните како да ги имаме кај себе, како што тоа го прави СДСМ, но воедно повикуваме слободоумно и отворено да излезат и да ги поддржат кандидатите на тие места кои искрено се борат против власта“, кажа Николовски.

    ВМРО-ДПМНЕ ја реафирмира и поддршката за кандидатите за градоначалници од Алијанса за Албанците и Алтернатива. 

    Кандидат за градоначалник на Куманово од ВМРО-ДПМНЕ беше Тони Михајловски, кој освои околу 8.567 гласови и не обезбеди доволна поддршка да влезе во вториот круг на локалните избори.

    Димитриевски и Илиевски освоија по 15.000 гласови.