×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Не е изваден чип од вакциниран човек во Русија

    18.11.2021 08:01 | KumanovoNews | Преземено од: vistinomer.mk

    На видеоматеријалот што се споделува на Фејсбук нема ниеден момент и ниеден кадар што потврдува дека се вади чип од рамо на вакциниран човек. Дозата на вакцината е помала од еден милилитар, тоа не е доволен волумен во кој би можел да се вметне микрочип, дури и кога некој би посакал да направи такво нешто. Состојките на вакцините се позната и јавна информација и ниедна вакцина не содржи микрочип

    Не е изваден чип од вакциниран човек во Русија

    Рецензираме пост на Фејсбук во којшто се тврди дека е изваден чип од вакциниран човек во Русија.

    15.11.2021 Русија, штотуку извадивме чип од вакциниран пријател, се вели во постот што го рецензираме.

    На графичкото видео се гледа рамо од еден човек кое се рассекува со остар предмет, а од местото тече крв. Потоа  на сосема санитетски небезбеден начин, местото се допира и се брише крвта со КН95 заштитна маска. Во меѓувреме со остар предмет, втор човек се обидува да извади нешто од рамото, меѓутоа на ниеден начин не може да се потврди што е тоа, ниту дали дали станува збор за вакцинирана личност. Исто така, на видеото во ниеден момент не е регистрирано вадење на каков било предмет од рамото, уште помалку чип. На првата минута и 32 секунда, се гледа дека видеото е исечено токму во клучниот момент кога треба да се види дали некаков предмет е изваден од рамото.

    На крајот од видеото непознат предмет е снимен на масата, меѓутоа не се знае што е тој предмет и дали навистина бил во рамото. Нема докази за тоа. На видео материјалот нема ниеден момент и ниеден кадар што потврдува дека чип се вади од рамо на вакциниран човек.

     

    Дозата на вакцината е премала за микрочип

    „Вистиномер“ веќе има пишувано дека вакцините против ковид-19 не содржат никакви чипови.

    Првиот доказ за тоа е дозата на вакцината. Таа е помала од еден милилитар! Стандардната доза на „Фајзер“ содржи 0.3 милилитри. Тоа не е доволен волумен во кој би можел да се вметне микрочип, дури и кога некој би посакал да направи такво нешто. Ова го потврдиле и проверувачи на факти од Австралија кои се занимавале со ова прашање.

    Интерната димензија на иглата е 0.3 милимери. Чипот би морал да е фракција од ова, за да се спречи да се заглави. Мислам дека не е можно, а особено зашто би морало да биде вграден и трансмитер. За микрочипот да може да помине низ оваа игла со која се врши вакцинацијата, би морал да биде помал од десет илјадинки од милиметар, пишуваат проверувачи на факти од Австралија.

    Експертите велат дека не постои никаква можност во содржината на вакцината да се вметне технолошки материјал. Доктор Вилбур Чен, експерт за инфективни болести во Центарот за развој на вакцини и јавно здравје во Универзитетот во Мериленд, за Политифакт изјави дека идејата за една вакцина која содржи РДИФ технологија е апсурдна.

    И најмалата верзија на микрочипови е преголема за да може да помине низ иглата на вакцината. Микрочиповите кои обично се употребуваат за лоцирање на домашните миленичиња се со големина на едно зрно ориз. Ниту една од иглите кои се употребуваат за вакцинација нема толкав дијаметар за да овозможи внесување во телото на еден чип, макар и со големина на зрно ориз, вели доктор Вилбур Чен.

    Вакцините немаат микрочипови во нив, но за жал, конспирациските теории поврзани со наводни микрочипови во вакцините, всушност, ги принудија властите и официјално да демантираат такви дезинформации, а престижниот „Њујорк Тајмс“ дури и објави текст со наслов ,,Нема чипови во вакцините”.

    Министерството за здравство на Австралија одговарајќи на ова прашање, тврди дека чипови во вакцините нема.

    Од 18 секунда на следното видео повеќе лекари одговараат на прашањето дали вакцината против ковид-19 содржи микрочип и сите се изјаснуваат негативно по ова прашање.

    Јавно се достапни сите компоненти на вакцините како дел од постапката за одобрението што треба да го добијат од Агенцијата за храна и лекови на САД, така што компаниите не може да изненадуваат со тоа што содржат нивните вакцини, вели доктор Џош Леско во видеото (18 секунда од видеото).

    Од 37 секунда во видеото, друг експерт, исто така, посочува дека нема чипови во вакцините.

    Покрај тоа што вакцините се создадени од луѓе кои се во партнерства со академски институции, научници кои го посветиле животот на помагање на луѓето и немаат друг интерес освен тој, исто така има и надворешни тела кои проверуваат што има во вакцините. Во нив членуваат луѓе од заедницата, луѓе кои не работат во компаниите производители и кои повторно немаат интереси. Така што, има многу контролни механизми за да се осигураме дека нема микрочипови или било што опасно за јавноста, вели доктор Мати Хлатшвајо Дејвис, лекар за инфективни болести на Универзитетот Вашингтон, на факултетот за медицина (37 секунда од видеото).

    На следниот линк, на официјалната веб-страница за вакцинација во С. Македонија, поставени се упатствата за користење на вакцините во коишто го има и составот на секоја вакцина. Состојките на вакцините се позната и јавна информација и ниедна вакцина не содржи микрочип.

     

    „АпиЏект“ размислува за „опционален микрочип“ на шприцот

    Конспирацијата за микрочипови во вакцината почна кога компанијата „АпиЏект“ од САД, објави дека размислува за „опционален микрочип“, ама тој ќе биде на етикетата од шприцот и нема да се инјектира при имунизацијата. Важно е да се каже дека овој микрочип е засега наменет само за САД, а не за Македонија, а неговата намена, како што за „Ројтерс“ потврдил портпаролот на фирмата, Стив Хофман, е следната:

    1. Да му овозможи на здравствениот работник да верификува дека вакцината и шприцот не се со истечен рок и не се фалсификат.
    2. Да потврди дека вакцината во шприцот е искористена.

    Здравствениот работник би користел апликација на мобилниот телефон за да ја види оваа информација или да ја внесе во системот. Сето тоа ќе се прави без никакво навлегување во личните податоци за пациентот. Информациите во оваа апликација ќе се однесуваат само на дозите и на шприцевите односно на вакцината, а не на човекот.

    Како што може да се види од следниот линк, оваа технологија е сосема опционална и американската влада уште нема ни одлучено дали сака да ја користи или не! Фирмата „АпиЏект“ не ги произведува вакцините, туку само ги полни во своите шприцови, за да бидат достапни за користење. Чипот нема да собира лични податоци ниту податоци за тоа кој ја примил дозата, туку ќе му овозможи на здравствениот работник да знае кога дозата е со истечен рок и дали е фалсификат.

    Оттука, поради сите горенаведени аргументи оценуваме дека не е изваден чип од рамото на вакциниран  против ковид, како што лажно се тврди во постот што го рецензиаме.  Во изминатиов период антивакциналните наративи отидоа и дотаму, што корисници на социјалните мрежи лажно тврдеа дека на рамото им се лепат лажици и други метални предмети поради магнетизирачкото дејство од „чипот“. Но и ова не е вистина, а лагата ја дебанкиравме на следниот линк.

     

     

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар