Вакцините против ковид не се генетска терапија и не содржат графен оксид

Постот шири невистини дека вакцините содржат графен оксид и дека се генетска терапија. Графен оксид не е во листата на состојки и нема никаква можност да биде присутен во вакцината, изјавил Ален Мајерсон, професор по хемиски инженеринг во Институтот за технологија од Масачусетс. Според експертот за вакцини, Пол Офит, од детската болница во Филаделфија, тврдењето дека вакцините содржат графен оксид е чиста глупост. Исто така, вакцините против ковид не се генетска терапија, бидејќи тие не се дизајнирани за да ги променат гените. Центарот за контрола и превенција на болести на САД официјално потврдува дека вакцината против ковид не влегува во интеракција со нашата ДНК на каков било начин

Нема докази дека млад Французин починал од вакцината – обдукцијата не е завршена

Во моментот на објавување на постот што го рецензираме, врската меѓу вакцината и смртта на момчето не е воспоставена. За случајот има обдукција, меѓутоа таа не е завршена и резултатите не се познати. Поради тоа, не е точно тврдењето дека резултатите од обдукцијата покажале дека станува збор за смрт како последица на вакцината. Исто така, француските медиуми објавуваат дека младиот човек бил вакциниран повеќе од 9 часа пред да доживее алергија, а непосредно пред анафилактичниот шок во ресторан јадел храна за која било познато дека е алергичен

Дури и ако се разболат, вакцинираните многу полесно се справуваат со ковид-19 од невакцинираните

Во постот што го рецензираме, со испуштање на важни информации, се креира погрешен впечаток. Дури и да има заразени со ковид по 2 примени дози од вакцината (има такви случаи во сите земји од светот, па и во нашата), тие во најголем дел се со полесна клиничка слика, ретко умираат и ретко се хоспитализирани со тежок тек на болеста. Во постот е изнесена и невистинита информација дека ваксерите ги изложуваат оние кои не сакаат да се вакцинираат на ,,опасност од смртен мутиран вирус инјектиран во нив преку вакцините, а хронично болните на сигурна смрт”

Нема докази дека вакцините содржат графен оксид

Овој пост со видео што се споделува на „Фејсбук“ ја манипулира јавноста дека вакцината „Фајзер“ содржи графен оксид и е опасна за човечкото здравје. Нема цврсти и научни докази дека ова е точно.  Видеото, како интервју на онлајн медиум, не презентира никаква научна студија, ниту, пак, документирани докази, туку разговор меѓу водител и докторка – економист за меѓународно здравје и истражувач на фармацевтски производи, кои тврдат дека со аплицирањето на оваа вакцина ќе има геноцид врз населението

Бил Гејтс нема план масовно да ги убие луѓето во светот со вакцина

Монтирaно и извадено од контекст е видеото во кое се споделува лажен наратив дека Бил Гејтс спроведува масовна вакцинација со цел да го намали бројот на живи луѓе во светот. Вакцините, напротив, ги спасуваат животите на луѓето и доколку нечија скриена агенда беше да се намали светската популација, тогаш воопшто немаше да има вакцини, туку коронавирусот ќе беше оставен слободно да циркулира и да одзема животи

Вакцината не е поврзана со демонски сили

Вакцината не претставува смртна опсност, ниту пак, докторите ги трујат граѓаните, како што дезнформира постот. Досега во Северна Македонија нема пријави за смртни случаи од ковид вакцина. Од Агенцијата за лекови и медицински средства во земјава (МАЛМЕД) објаснуваат дека досега пријавените несакани реакции од вакцините не отстапуваат од опишаните во упатствата за употреба и дека не е пристигната ниту една пријава за смртен исход како несакана реакција од вакцина. Најчесто се работи за лесна симтомалогија, како болка, оток и црвенило на местото на апликацијата на вакцината, покачена температура, малаканост, главоболка, болка во мускулите. Досегашните студии покажуваат дека вакцините се ефикасни во спречувањето на ковид болеста, особено штитат од посериозни заболувања и смртни исходи, а колективниот имунитет е многу значаен за да се сопре појавата на нови соеви и мутации

Варијанти на ковид кои веќе постојат, претставени како „идни и планирани“

Постот што се споделува на Фејсбук е мaнипулативен и невистинит. Варијантите на ковид: ета, јота, капа и ламбда, се веќе детектирани и се предмет на интерес на СЗО. Но, наспроти тоа што го говорат фактите, оваа објава манипулира дека тие допрва ќе бидат сукцесивно објавувани во медиумите, наводно, како план за замајување на јавноста и одржување на вештачки притисок

Слаб одзив за вакцинација во струшко, лекарите го повикуваат населението да се вакцинира

Интересот за вакцинација во Општина Струга е мал, особено во руралните средини каде процентот на имунизирани е под 20 отсто. Со исклучок на  Вевчани, каде е вакцинирно 60 проценти од населението над 18 години. За разлика од Струга во охридско двојно е поголем одзивот за вакцинација. Со стапка 42,9 отсто, Охрид е на второ место во земјава по имунизација после Кавадарци

Пост на Фејсбук дезинформира дека сите вакцинирани ќе починат наесен

Оваа објава се повикува на антиваксерот Виктор Колман и ја дезинформира јавноста дека вакцинираните ќе почнат да умираат наесен, како и дека се заштитени само од првичната мутација на коронавирусот. Наспроти дезинформациите на Колман, според Центарот за контрола и превенција на болести од САД (ЦДЦ), ковид вакцините се безбедни и ефикасни и може да го спречат ширењето на коронавирусот. Истовремено се наведува дека тие што се вакцинирани, дури и да се заразат со коронавирусот, нема да имаат тешка клиничка слика и нема да бидат хоспитализирани во толку голем обем, споредено со проблемите со кои би се соочиле кога не би биле вакцинирани. Исто така, се посочува дека самите вакцини не можат никого да разболат од ковид-19

Карантинот на антиваксерите нема да го стопира ширењето на вирусот

Карантинот на антиваксерите, што се предлага во овој пост на Фејсбук, нема да го реши проблемот, ниту, пак, со применување на ваков тип на мерка целосно ќе се спречи трансмисијата на вирусот. Вирусот ни доаѓа однадвор. Па, дури и да се направи тринеделен карантин за невакцинираните од 1 септември до 21 септември, како што се бара во објавата, на 22 септември може во државата да влезе некој од странство и да зарази невакцинирани лица. Освен невакцнинираните, може да се заразат и оние кои се целосно имунизирани, иако во многу мал процент. Сите вакцини, одобрени од СЗО, штитат од тешки форми на болеста, хоспитализација и смртни последици, но ниту една од вакцините не нуди 100 проценти заштита од разболување

Опасни вируси претставени како подметнати отрови од фармацевтските компании

Коронавирусот не е отров, како што се тврди во постот. СЗО соопшти дека новиот коронавирус е идентификуван од кинеските власти на 7 јануари 2020 година. Невистинито е и тврдењето дека автоимуните заболувања се добиваат од вакцините. Автоимуните реакции се резултат на ковид-19, а не на вакцината. Не е точно и дека шпанскиот грип, еболата, ХИВ вирусот, коронавирусот, ХПВ вирусот, свинскиот грип и птичјиот грип се циркус создаден од фармацевтските компании. Тие болести и вируси постојат. На пример, шпанскиот грип, е предизвикан од вирусот H1N1. Иако, не е утврдено од каде потекнува, се проширил глобално во 1918-1919 година

Не е точно дека 60 отсто од хоспитализираните во Британија биле вакцинирани со 2 дози

Наспроти тврдењето во постот, вистината е дека 60 проценти од хоспитализираните поради компликаци од ковид-19 во Велика Британија се невакцинирани. Ова се гледа од исправката којашто на Твитер ја напиша британскиот научник Патрик Валанс, кој ја коригира својата грешка во статистиките коишто претходно ги навел прес-конференцијата со британскиот премиер Борис Џонсон

Не е точно дека „војската на Трамп“ во 2020 година спасувала деца заробени во кафези

Оваа објава предизвикува емпатија кај корисниците на социјални мрежи, кои во голем број ја споделиле, иако станува збор за невистина. Трите фотографии немаат никаква меѓусебна поврзаност, ниту, пак, се на каков било начин поврзани со напишаното во објавата. Тие се снимени многу пред првиот локдаун во САД, кој беше воведен поради пандемијата со коронавирусот

Антиваксерска дезинформација шири паника дека вакцинираните со мРНА вакцина ќе починат од срцева слабост

Објава на Фејсбук дезинформира дека спајк протеинот од вакцината мРНА може да предизвика тромбови во крвотокот, што ќе доведе до смртни последици. Спајк протеинот од вакцината и спајк протеинот на коронавирусот не се исти. Тоа го потврдуваат медицински експерти докажани во својата работа. Така што, тврдењето дека вакцинираните против ковид-19 ќе починат за неколку години не е ништо друго освен уште една антиваксерска дезинформација

Ајнштајн не рекол дека некој е ,,стока” ако му е понудено нешто бесплатно

Рецензираме пост на Фејсбук за процесот на вакцинацијата, што во земјава се спроведува против ковид пандемијата, во обид да се постигне колективен имунитет, а во контекст на се поактуелната и крајно заразната делта варијанта на вирусот.

Не е точно дека лажица се лепи за рамо поради вакцинација

Медицински експерти во повеќе наврати се изјаснија дека вакцините немаат магнетизирачко дејство и немаат магнетизирачки компоненти. Предмети на раката може да се залепат поради фрикција (триење), лепило, селотејп, природната пот на кожата на раката, но не и поради вакцинација. Истите луѓе кои можат да залепат магнетни предмети на нивните тела може да залепат и немагнетни предмети со истата леснотија. Наводните магнетски моќи исчезнуваат ако им се прекрие кожата со пудра