×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Почна изградбата на училиштето во Визбегово

    20.01.2022 21:08 | KumanovoNews | Преземено од: vistinomer.mk

    ВЕТУВАЊЕ: Изградба на ново основно училиште во населеното место Визбегово, во Општина Бутел

    Почна изградбата на училиштето во Визбегово Фото: Фејсбук/Дарко Костовски

    [Извор: Фејсбук профил на Дарко Костовски, градоначалник на Општина Бутел , Датум: 11.10.2021 г.]

     

    ОБРАЗЛОЖЕНИЕ:

    За време на предизборната кампања за локалните избори кои се одржаа на 17 октомври минатата година, градоначалникот на Бутел, Дарко Костовски вети изградба на ново основно училиште во Визбегово. Реализацијата на ова негово ветување  е во тек.

    Гарантираме за населеното место Визбегово дека ќе добие ново модерно основно училиште со што ќе се надмине деценискиот проблем! Борбата за нашите деца е најважната борба во нашите животи!, изјави за време на кампањата Костовски.

    Воведот во работа за ново општинско основно училиште во Визбегово, градоначалникот Костовски  го потпиша на 30.12.2021 година.

    Направивме увид на градежната парцела каде наскоро започнуваме со градежни активности и поставување на камен темелник. Како Општина Бутел во најбрз рок ќе ги обезбедиме сите потребни работи за непречено одвивање на градежните активности. Инвестицијата во општинското основното училиште е во вредност од 106 509 812,00 денари и ова училиште ќе има капацитет за над 500 ученици. Конечно овој проблем ќе биде решен и во учебната година 2023/2024 ќе имаме ново општинско основно училиште!, напиша Костовски на Фејсбук

    На 12.01.2022 година, почнаа градежните активности за изградба на новото училиште во Визбегово. Градоначалникот Костовски, придружуван од министерката за образование, Мила Царовска, истакна дека со овој проект се решава еден од покрупните проблеми во Oпштината, не само во населеното место Визбегово. Toј напомена дека е многу важно децата да не патуваат по неколку километри до училиште, туку да учат во местото на живеење.

    Уште во 2014 година кога бев советник во Општина Бутел почна овој процес. Навистина долго траеше, но важно е што денес проектот почнува. Се надевам дека соработката со сите инволвирани во овој проект ќе биде на врвно ниво. Општина Бутел ќе се залага за максимална поддршка на се што е поврзано со овој проект, како и на целосната инфраструктура поврзана со него, пристапните патишта до училиштето, водовод итн, рече Костовски.

    Министерката Царовска, пак, посочи дека за период од 18 месеци „треба да заѕвонат ѕвончињата и учениците да влезат во училиштето и да седнат во училишните клупи“.

    Секоја инвестиција во образование треба да ја гледаме како инвестиција во државата – изјави Царовска.

    Веста за стартот на градежните активности беше објавена и на Фејсбук страницата на градоначалникот на Бутел, Костовски.

    Инаку, пред една година на предлог на Министерството за образование и наука Владата, на седница која се одржа на 16.01.2021 година, ги усвои програмите за изградба и реконструкција на основни и средни училишта за 2021 година.  Информацијата тогаш ја споделија првиот вицепремиер Артан Груби и вицепремиерот за економски прашања, Фатмир Битиќи кои на социјалните мрежи објавија дека конечно ќе се гради училиште во Визбегово.

    Имајќи предвид дека  започна изградбата на новото училиште во Визбегово и на терен има градежни активности, ветувањето на градоначалникот на Бутел, Дарко Костовски  во моментот има оценка „во тек“.

    „Вистиномер“ повторно ќе се наврати на ова негово ветување, со цел да видиме како се одвива неговата реализација и кога вратите на училиштето ќе бидат отворени за учениците.

     

    ИЗВОРИ:

     

    Оцени: Ана Анастасовска

     

     

     


    Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

    2008 - 2023 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk