Соработка на младинските совети на Крива Паланка и Кочани

Средбата беше насочена кон зајакнување на соработката меѓу двата совета, размена на искуства и идеи, како и поттикнување иницијативи што одговараат на реалните потреби на младите.

Младите разговараа за клучните предизвици со кои се соочуваат во своите заедници, но и за можностите што ги гледаат за унапредување на младинските политики. Дел од фокусот беше ставен и на активното учество на младите во процесите на носење одлуки на локално ниво.

Присутните ја истакнаа важноста од градење стабилна и одржлива структура на младинско организирање, како и потребата од меѓусебна поддршка.

„Ваквите средби се многу значајни затоа што ни овозможуваат директно да споделиме искуства, да се слушнеме едни со други и заедно да креираме идеи кои вистински одговараат на потребите на младите. Веруваме дека само преку соработка и постојана комуникација можеме да изградиме посилна младинска структура – и локално и на пошироко ниво,“ изјави Никола Митовски, член на ЛМС Крива Паланка.

Средбата заврши со заеднички договор за континуирана комуникација и развој на идни проекти, со цел младите да останат двигател на позитивните промени во општеството.

Никола Митовски