Зачленете се во нашиот клуб на читатели и најновите текстови ќе ги добивате на вашата мејл адреса
Во селото Романовце вчера беше пуштена во употреба ново-асфалтирана улица во должина од 600 метри, која ги поврзува асфалтната база кај автопатот и центарот на селото.
На улицата живеат околу 120 семејства, Македонсци и Албанци, кои не го криеја своето задоволство што по толку години чекање повеќе нема да газат кал.
Кога го трасиравме патот жителите не веруваа дека ќе дојде овој ден. Не можеме да ви ја искажеме радоста што конечно добивме асфалт. Наредно очекуваме да се рекунструира и прошири патот кон Куманово со банкини, и се што е неопходно за една современа сообраќајница-рече Бејтула Бајрами претседател на месната заедница Романовце.
Улицата била со години непроодна бидејќи по неа се излевале фекалии, поради што месната заедница побарала од општината да ја стави во приоритет за решавање.
Проектот чини 9,5 милиони денари, а под улицата е поставена комплетна канализациона инфраструктура. Патот е со ширина од 5 метри со вградени ивичници и ги задоволува сите стандарди на изработка - рече градоначалникот Зоран Дамјановски, по свеченото сечење на лентата.
Градоначалникот најави дека за 20 дена, откако ќе помине на Совет ќе започне реконструкција на патот Романовце - Куманово, со пари од кредит на Светската банка.
Во Романовце живејат 4.500 жители во 670 домаќинства кои се занимаваат со сточарсто, земјоделие и приватен бизнис.
Зачленете се во нашиот клуб на читатели и најновите текстови ќе ги добивате на вашата мејл адреса
