Зачленете се во нашиот клуб на читатели и најновите текстови ќе ги добивате на вашата мејл адреса
Главниот штаб на Бригадата на Југоисточна Европа, кој престојува во касарната „Боро Менков“ во Куманово, обезбеди помош во заштитна опрема за Општата болница Куманово.
Донацијата е во вредност од 100 илјади денари, а денеска ја врачија претставниците на Комадата на SEEBRIG.
„Сакам да искажам благодарност бригадата, бидејќи ни донираа лична заштитна опрема и со тоа ја искажуваат својата хуманост и ни помагаат полесно да се справиме во битката со ковид-19. Општата болница во Куманово од почетокот на кризата имаше хуманитарна помош од индивидуални лица, фирми, организации, а сега и командата на SEEBRIG, која има случна мисија како нас да се бори за секој живот и покажува солидарност со нас во пресрет на Новогодишните празници, со желба за полесно справување со кризата. Гестот е исклучително хуман и е пример дека во оваа битка не сме сами,- истакна директорката Снежана Захариева.
Бригадата на Југоисточна Европа - SEEBRIG е формирана пред 21 година заради регионална соработка и безбедност помеѓу шест земји – Северна Македонија, Албанија, Бугарија, Грција, Романија и Турција, како и со цел да ги унапреди добрососедските односи помеѓу земјите- членки.
Бригадата се стационираше во касарната „Боро Менков“ во Куманово, во август годинава, а тука ќе остане шест години. Командант на бригадата е генерал Аристедеис Илиопулос.
(С.Н.)