Ќе се асфалтира „Моша Пијаде“, граѓаните да ги тргнат возилата од улицата

„Од петок , 16. октомври, па до крајот на следната недела, изведувачот ќе започне со подготовка за асфалтирање на ул.„Моша Пијаде“, на потегот од крстосницата со кружниот тек на ул. „Трета МУБ“ и ул.„Октомвриска Револуција“ до ул.“Пиринска Македонија“. Заради безбедно и несметано извршување на градежните работи, се замолуваат граѓаните да не ги паркираат своите возила, на посочените места, каде што активно се изведуваат градежните активности“, соопшти Општина Куманово .

Проектот за реконструкција на ул.”Моша Пијаде”,  е финансиран од Светската банка преку Министерство за транспорт и врски.

Првата фаза од реконструкцијата на улицата „Моша Пијаде“ започна во мај минатата година.

Според проектот, предвидена е целосна реконструкција или заменета подземната инфраструктура, како и поставување на нова електрична и оптичка инсталација.

Во должина од 830 метри ќе се изгради атмосферска канализација со профил Ф-1.000. На дел од улицата ќе бидат заменети и водоводната и канализациска  мрежа, бидејќи постојната е стара повеќе од 50 години.

Изведувачот и надзорниот орган се избрани од Владата, а проектот се реализира преку Министерството за транспорт и врски и Светската банка, во соработка со локалната самоуправа.