Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на СДСМ Куманово синоќа одржа конференција на која беа избрани новите делегати кои ќе ја претставуваат на конгресите на СДСМ. На конференцијата едногласно беа избрани 26 делегати со мандат од 4 години.
Претседателот Мартин Костовски вели дека избраните делегати се чесни и храбри луѓе, кои достојно ќе ја претставуваат општинската организација на СДСМ Куманово.
- За првпат можеме да се пофалиме со сериозно подмладување на партиската структура. Од 26 делегати 13 се мажи и 13 жени, докажуваме и во пракса родова сензитивност и изедначување на можностите на двата пола. За пофалба е дека од 26 дури 13 делегати од општинската организација се помлади од 32 години, односно претставници на Социјалдемократската младина. Ова е можност партијата да се подмлади, да дадеме шанса на младите луѓе да добиеме една нова енергија, којашто ни е потребна во наредниот период, - изјави Костовски, кој поради обврски во Парлементот не ја водеше конференцијата, туку го замени секретарот Оливер Илиевски.
На присутните им се обрати потпретседателот на СДСМ Оливер Спасовски, кој се осврна на актуелните предизвици со кои се соочува Владата, како и за концептот и начинот на делување на партијата и процесите на реорганизација во претстојниот период.
Вонредниот конгрес на СДСМ се очекува да се одржи помеѓу 1 и 10 октомври на кој ќе има одредени статутарни измени, а напролет ќе се одржи редовен конгрес на кој ќе се бира ново раководство и претседател на партијата.