Лизгање на земјиште на влезот во Липково, Општината бара итно постапување

Од таму побарале итно постапување и интервенција поради висок ризик од масовното лизгање.

„Општина Липково, преку Кризниот штаб предводена од командирот, по добиен повик од жител на село Липково, веднаш излезе на терен и изврши увид на локацијата позната како „Кисела Вода“, во непосредна близина на млинот и регионалниот пат кон влезот во селото“, стои во известувањето.

За состојбата се известени ЦУК – Скопје, ДЗС – Куманово, „Македонија пат“ – Куманово и ПС Матејче.

Од „Македонија пат“ – Куманово информирале дека стручни лица од Градежниот факултет во Скопје ќе извршат испитување на земјиштето заради понатамошно решавање и интервенција во Липково.

Лизгањето на земјиштето е предизвикано од обилните дождови кои во изминатите денови го зафатија регионот.