Основците и полицијата ќе се дружат во Старо Нагоричане

Целта на овој проект е децата од различни националности да се запознаат и да градат пријателски односи.

Кога ќе видат лица во униформа децата знаат дека тоа е нешто посериозно од лист хартија и само зборување. Посетата е организирана со одделот за превенција од СВР Куманово и има придружба од униформирани лица. Децата се запознаваат со обичаите, навиките на другите, се прави една работилница, се запознаваат со друга Општина. Една посета на Липково веќе имаше, сега ќе ја посетиме Општина Старо Нагоричане. Проектот е интересен, децата се се поангажирани, повнимателни и обрнуваат внимание на работи на кои претходно не мислеле. Работилниците им се допаѓаат, поврзано е со училиштето, а сепак не е учење и тие се задоволни - изјави Марија Спасовска, координатор на проектот од ОУ“Браќа Миладиновци“.

Со овој проект се опфатени основците од шесто до осмо одделение. Проектот го реализира полицијата и Министерството за образование.