Зачленете се во нашиот клуб на читатели и најновите текстови ќе ги добивате на вашата мејл адреса
Корисниците на тезги на двата зелени пазари во Куманово, ќе бидат ослободени од плаќањето на закуп, во времето додека не работеле поради кризата со коронавирусот.
„Една од мерките коишто ги презема локалната самоуправа ќе биде и не плаќањето на надоместок за користење на тезгите од закупците за деновите додека не работеле. Со оваа мерка сакаме да им помогнеме, бидејќи и тие се погодени со кризата, а тоа беше одлука освен на локалната самоуправа и препорака на централните власти, бидејќи пазарите се сметаа за место каде што има голема фреквенција на луѓе и голема можност за ширење на заразата, затоа беа затворени во период од речиси два маесеци“, - изјави Атина Мургашанска, претседателка на Советот на Општина Куманово.
Таа додава дека со оглед на тоа што нивните сметки се издаваат на почетокот на месецот, доколку некој упалатил за март или другите месеци кога не се работело, тоа ќе им биде засметано во јунската сметка.
На наредната седница, во вторник, на Советот ќе биде разгледана можноста како да се помогне на јавните претпријатија „Пазариште“ и „Куманово-паркинг“, кои трпат најголеми последици од здравствената криза затоа што ги прекинаа своите услуги кон граѓаните.