Почнаа ископувањата на локалитетот Црквиште

На терен работат археолози од Музеј Куманово, а проектот е поддржан од Министерството за култура. Ископувањата целосно ќе ги откријат контурите на големата ранохристијанска базилика, за која се претпоставува дека датира од 5 век, a постои и втора фаза на градење на црквата која постоела до 11 век. Од особено значење е хронолошки да се дефинира егзистирањето на населбата која својот живот го започнала уште во римскиот период односно во 2-3 век од н.е.

Црквиште има извонредна можност за развој на културниот туризам бидејќи во близина се наоѓа и локалитетот Кокино. Првите истражувања на локалитетот Црквиште започнаа во 2001 година и во помал обем се изведуваа до 2004 година.