Теа Алексовска постави нов младински рекорд во фрлање кладиво

Новиот рекорд Теа го постави на Европското екипно првенство во 3 дивизија, кое минатиот месец се одржува во Марибор – Словенија,  како претставничка на македонската репрезентација.

„Државниот рекорд за атлетичарки под 20 години и претходно беше на Теа Алексовска.  Новиот резултат е 38.44 мeтри. Овој резултат и донесе пласман во најдобрите 8, односно во финалето на овој натпревар кој беше доста конкурентен.  Ове не е само клубски успех, туку и на целата држава. Теа е многу телентирана девојка и и предвидуваме големи спортски успеси и кариера. Веќе во септември ја чекаат нови натпревар и предизвици“, вели Филип Колевски, претседател на АК "Куманово".

Теа го држи и државниот рекорд во фрлање на диск, кој изнесува 37.72. 

Теа е студентка и има 19 години, и настапува за сениорската репрезентација. Првиот настап за сениорската репрезентација и беше во 2023 година во Полска на Европското екипно првенство.