Во прекин сообраќајот на автопатот Скопје - Куманово

Причината е, како што информираат од Дирекцијата за заштита и спасување, густиот чад од пожарите во близина на автопатот, и поради сообраќајна незгода.

МВР соопшти дека поради пожар затворен за сообраќај автопатот од наплатна рампа Миладиновци до клучка Бунарџик, во двата правца, и возилата се насочуваат кон Петровец

"Ги известуваме граѓаните дека поради пожар кој настана попладнево (17.јули, затворен за сообраќај е автопатот од наплатната рампа Миладиновци до клучка Бунарџик, во двата правци. Возилата се пренасочуваат кон Петровец. Апелираме до граѓаните да не се упатуваат кон овој дел од автопатот се додека не се создадат услови за повторно пуштање на сообраќајот, за што сооодветно ќе известиме, велат од МВР.

Во Скопскиот регион се пријавени пожари помеѓу Индустриска Зона Бунарџик и рафинерија Окта.