Поништен е тендерот за набавка на 120 еколошки автобуси од кои требаше да добие и Куманово
Министерството за транспорт го поништи тендерот за избор на понудувач за набавка на 120 електрични еколошки автобуси за јавен превоз и станици за полнење, откако надлежната Комисија утврдила дека единствената пријавена компанија не ги исполнува условите од објавениот повик.
Од 120-те еколошки автобуси што требаше да се набават со повикот, 80 требаше да бидат наменети за Град Скопје, а останатите 40 за општините согласно економската оправданост и нивните реални потреби.
И Куманово ќе добие дел од електричните автобуси, најави градоначалникот на една од седниците.
На јавниот повик само една компанија достави понуда. По извршената евалуација, било утврдено дека компанијата не ги исполнува критериумите согласно објавениот јавен повик.
Од Министерството за транспорт најави дека во следниот период ќе се направат дополнителни анализи околу набавката на електрични еколошки автобуси и ќе ја информираат јавноста.
НАЈНОВИ
-
До 15 септември сите службени возила ќе имаат таблици во боја
-
Чешки хеликоптер и словенечки пожарникар ќе помогнат во гаснење на пожарите
-
Десетмесечно бебе затруено со лекови
-
Падна новиот систем за гласање во Советот, кој чини 50.000 евра
-
Поништен е тендерот за набавка на 120 еколошки автобуси од кои требаше да добие и Куманово
-
Три привремени вработувања во старскиот дом „Зафир Сајто“
