Во Куманово ќе се одржи Меѓународен младински турнир во шах со над 100 учесници

Организатори се Градскиот шаховски клуб (ГШК) Куманово и Шаховскиот клуб „Фишер“ од Куманово.

На турнирот ќе учествуваат шахисти од Македонија, Србија, Бугарија и Косово, во категорија У20, за родени 2005 година или помлади, У10, за деца родени 2015 и У8, за шахисти родени од 2017 година.

„Иако имаме пријавено повеќе од 100 учесници, во сите возрасни турнири, сепак дел од заинтересираните можат да се пријават и на лице место, пред почетокот на турнирите. Првите партии започнуваат вечерва - петок за У20 категоријата, додека церемонијата за отварање на турнирот е закажана за сабота, со почеток во 13 часот“, вели Сања Трајковска, претседателка на ГШК.  

На првопласираните ќе им биде доделен пехар, за првите 5 места следуваат медали, а сите учесници на турнирот ќе добијат стокови награди, обезбедени од организаторот.

Во Куманово за првпат се организира една ваква голема шаховска манифестација, која има за цел да го популаризира шахот.