×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Оваа детска лизгалка не е дел од изборната програма на кандидати за градоначалници на Скопје

    14.10.2021 18:35 | KumanovoNews | Преземено од: vistinomer.mk

    Детската лизгалка, односно реквизит, поставен на фотографијата во склоп на постот, не е дел од изборна програма за градоначалници, туку е поставка за снимање филм, комедија, во Канада и воопшто не е за употреба надвор од таа цел, односно исклучиво е поставена за потребите на снимањето на филмот, како сценографија

    Оваа детска лизгалка не е дел од изборната програма на кандидати за градоначалници на Скопје

    Рецензираме пост на Фејсбук во кој што е споделена фотографија од детско игралиште со дискутабилен дизајн, а во кој авторот на постот тврди:

    Новите играчки во парковите за деца и детските градинки на Царовска и Шилегов во изборната програма!!!

    Од коментарите кои голем број на корисници ги оставиле под овој пост, евидентно е дека тие постот го доживеале како вистинит, поставуваат прашања во која населба се наоѓаат овие игралишта со вакви реквизити, за да одат и да ги уништат. Постот е споделен 127 пати. Со едноставно пребарување во интернет пребарувачот Гугл, евидентно е дека оваа фотографија не е од Македонија, а уште помалку од скопска населба. Уште помалку, пак, вакви игралишта се дел од изборната програма на кандидатот за градоначалник на Скопје и актуелен градоначалник, Петре Шилегов, како што и самиот ни изјави.

    Ова се чисти глупости, вакви игралишта нема во мојата изборна програма, изјави Шилегов за „Вистиномер“.

    Во постот се тврди и дека овие игралишта наводно ќе станеле дел од детските градинки на Мила Царовска, актуелна министерка за образование. Но, детските градинки не се дел од ингеренциите на министерот за образование, туку се во надлежност на министерството за труд и социјална политика. Во секој случај, споменатата Мила Царовска нема надлежност да носи одлуки за тоа какви реквизити би имало во детските градинки.

    Ја пребаравме споделената фотографија во пребарувачот Гугл од каде станува евидентно дека овој реквизит на детско игралиште, навистина постои, но, во странство. Различни извори ја лоцираат локацијата на ова игралиште од Русија до САД. Така, руски блогер ја има објавено оваа фотографија неодамна со тврдење дека игралиштето се наоѓа во Русија, што, исто така, не е точно.

    Најголем дел од изворите на форумите тврдат дека фотографијата е од Британска Колумбија, во Канада, во местото Мејпл Риџ.

    Тука може да се пронајде твит од корисник на социјалната мрежа Твитер кој прашува што се случува во Канада и ја споделува истата фотографија за која, во постот што го рецензираме, се тврди дека е дел од изборната програма на Шилегов.

    На 8 октомври 2021 година објавен е текст на медиумот Ексклејм, од Канада, во кој е објаснето дека поставката со детската лизгалка претставува само поставка за филм, кој ќе биде сниман на таа локација, по што лизгалката ќе биде отстранета. Според написот, станува збор за комедија.

    Поради сите горенаведени факти, оценуваме дека постот што го рецензираме е невистинит. Детската лизгалка, односно реквизит, поставен на фотографијата во склоп на постот, не е дел од изборна програма за градоначалници, туку е поставка за снимање филм, комедија, во Канада и воопшто не е за употреба надвор од таа цел, односно исклучиво е поставена за потребите на снимањето на филмот, како сценографија.

     

     

     

     

     


    Овој напис е изработен во рамките на проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

    2008 - 2023 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk