Зачленете се во нашиот клуб на читатели и најновите текстови ќе ги добивате на вашата мејл адреса
Денеска се навршуваат 10 години од вооружениот напад на терористичка група во кумановската населба Диво Насеље, кога беа убиени 8 припадници на државните безбедносни сили, а 37 беа повредени.
Во полициска акцијата за разбивање на вооружена терористичка група, престрелките траеја на 9 и 10 мај, а целиот град беше под тензија дали конфликтот ќе се прошири и во другите населби на Куманово.
Во борбите беа убиени полицајците Жарко Кузмановски и Сашо Самојловски од с.Брвеница, Ненад Серафимовски од с. Зубовце, Горан Илијевски од Гостивар, Бобан Ивановиќ, Исамедин Османи, Љубиша Аранѓеловиќ и Горан Стојменовиќ од Скопје.
Акцијата започна во раните утрински часови, во 4.30 часот во сабота, 9 мај, а траеше непрекинато 28 часа. По завршување на пресметката беа приведени 36 члена на терористичката група, а 14 од нив беа убуени. Надлежните тогаш информираа дека се работи за група која била закана за целиот регион, а нејзините членови биле барани со меѓународни потерници.
Пред две години беше поставено Спомен обележје во чест на загинатите припадници на македонската полиција во кругот на СВР Куманово, а насликан е и мурал во централното градско подрачје посветен на специјалната единица „Тигри“.
За денеска во 11 часот, во Црквата „Свети Никола“ е закажана панихида за осум загинати припадници на безбедносните сили.
Точно напладне пред спомен плочата пред СВР Куманово свежо цвеќе ќе положи делегација од полицијата и Бирото за јавна безбедност.
Зачленете се во нашиот клуб на читатели и најновите текстови ќе ги добивате на вашата мејл адреса
