11 нови случаи во Липково, еден новозаболен и еден починат во Куманово

„Сите новозаболени се од Матејче, од познат кластер, две семејства откриени на крајот на минатата недела. Меѓу  нив се и 4 деца, но сите се асимптоматични и немаат здравствени проблеми. И денеска продолжуваме со тестирањето, земени се 20 тестови во Липково и 30 во Куманово“, - вели директорот на Центарот за јавно здравје, Ариф Љатифи.

На Клиниката за кардиологија почина пациент од Куманово на возраст од 74 години, хоспитализиран пред 2 дена и потврден позитивен на оваа клиника.

Во Куманово има 27 активни случаи, додека пак во Општина Липково бројката е многу поголема и брои 126 пациенти.

Во последните 24 часа се направени 987 тестирања, а регистрирани се 87 нови случаи на КОВИД-19. По градови:

- Скопје 41
- Куманово 12
- Штип 16
- Тетово 10
- Струга 1
- Охрид 2
- Гостивар 1
- Пробиштип 4

Денеска Институтот за јавно здравје регистрира 5 оздравени пациенти.

- Скопје 1
- Прилеп 2
- Тетово 2

Досега во земјата се направени вкупно 38014 тестирања на КОВИД -19

Вкупната бројка на ковид дијагностицирани во нашата земја од почетокот на епидемијата изнесува 3239, бројката на оздравени пациенти е 1658, на починати е 157, а во моментов бројот на активни случаи во земјата изнесува 1424.