Зачленете се во нашиот клуб на читатели и најновите текстови ќе ги добивате на вашата мејл адреса
Вкупно 14 лица загинаа, а 12 се на лекување во Тетовската болница и се надвор од животна опасност, во вчерашниот пожар во модуларниот Ковид-центар во Тетово, соопшти Министерството за здравство.
Во Ковид центарот за време на пожарот имало вкупно 26 пациенти. Нема настрадани здравствени лица, неколкумина се со полесни повреди, велат од Министерството.
„Нема настрадани здравствени лица, неколкумина се со полесни повреди. Министерството за здравство изразува сочувство до семесјтвата на загинатите и длабоко жалење за страотната несреќа. Министерството во текот на денот постојано ќе информира за сите нови детали околу случајот, апелираме до медиумите и граѓаните да ги следат официјалните информации и да се воздржат од шпекулации за овој немил настан“, информира Министерството.
Пожарот во кој изгоре модуларната болница избувна вчеравечер во 21 часот и многу брзо се рашири. Изгасен беше околу 21.45 часот.
Зачленете се во нашиот клуб на читатели и најновите текстови ќе ги добивате на вашата мејл адреса
