Без проблеми се одвива гласањето, на избирачкото место 1046 гласале околу педесетина граѓани

Бисера Величковска, заменик член на комисијата на избирачкото место, вели дека гласањето започнало навреме и дека граѓаните ги почитуваат протоколите за гласање.

„Денеска гласањето започна навреме. Овде бевме уште во 6 часот, спремивме се` и во 7 се отвори гласачкото место. Се` тече во најдобар ред. Досега излезеноста е добра, имаме околу 50 гласачи. Протоколите се почитуваат, се` се одвива со заштита и како што треба“, рече таа.  

Граѓаните, коишто го остварија правото на глас се едногласни дека сите сакаат подобар живот.

„Јас гласам секогаш, затоа што треба да се бориме за подобар живот. Од овој изборен процес очекувам да биде фер и демократки и да имаме подобро утре. Мерките се почитуваат, како што гледате, внатре не се создава никаква гужва“, додаде повозрасната граѓанка откако го оствари своето право на глас.

Во Куманово денеска право на глас имаат 92.167 граѓани на 167 избирачки места.

(Ф.Марковска)