Зачленете се во нашиот клуб на читатели и најновите текстови ќе ги добивате на вашата мејл адреса
Матурантите од денеска се вратија на настава, откако во второто полугодие започнаа бојкот со барање да се преполови бројот на предмети за државна матура.
Генералното собрание на Сојузот одлучи да го стави во мирување бојкотот и да остави на Парламентот да најде решение, откако опозициските партии поднесоа Предлог-закон за измени и дополнување во Законот за средно образовние.
Мината недела, дел од претставнците на Сојузот на средношколци имаа средби со сите пратенички групи од кои се надеваат дека нивното барање ќе се исполни – полагање на мајчин јазик и изборен предмет кој ќе биде од корист при упис на факултет.
„Оставаме простор да се разгледа предлог-законот и да се најде соодветно решение. По средбата, сигурни сме дека имаме поддршка од повеќе од 70 пратеници. Доколку не се прифатат барањата, можно е да кампуваме пред МОН, поради немањето на слух за нашите конкретни предлози и барања за проблемот,“ велат од средношколскиот сојуз во Куманово
Од испитниот државен центар, уште во ноември ги соопштија датумите за полагање на матурата. Во период од 29-ти мај до 14-ти јуни 2021 година, учениците ќе имаат испити по трите екстерни предмети, уште еден интерен и обврска да изработат проектна задача.
(Д.Д.)